ADVERTISEMENT

This area is available for advertisement. Please contact for details.

Arnivang
Get Adobe Flash player

Osomar aphan kapherememe Blue Whale Game pen kapajok dunji aphan api-apo thedung arpu do

New Delhi, Paipai 8: ‘Blue Whale Game’ pu kapherememe online game nang keklang pen Mumbai along inut ningkan 14 ariso apran charmut det aphi laso alamki aphuthak sorkar arsikjit katarlip ji aphan Rajya Sabha along ningje.
Blue Whale Game pu online pathu lote ni phokep angbong son phokep asai paklem po mo padusi ke apran kacharmut detji aphansi ketoi-toi. Laso a game kaselam ke pirthe kedo ale ave pu aning kachepa-oi abangphu-bangphi kapavirdetji aphansi karlen. Russia along 2013 aningkansi Blue Whale Game keklang cheng. Russia pen UK avaikang along bang pharo sose arta jumhek ariso atum kachepathi dolo. Blue Whale Game kaselam abangphu aphan nep ingnang cheksi ningkan kethom apharman jail beng lo.
Mumbai Clinical Psycologist, Seema Hingorani kethan ke riso-nimso kaita aning chepa-oi ver atumsi lahai sailangno thetan kepho dunji angring do. Pinpurme, (adolecence period) arta 13 pen 19, osomar kethe apor henlo aning kaphirphar nei. Laso apor ahut latum kamatha parsik thekthelang ajok manghu mangram, aning kasiksak dovek. Lahai pen kachepajokji aphan osomar atum ajat alam seta api-apo aphan chethan nangji lapen api-apo atum tame asomar aning kehang,  aning kasiksak pen chenglok chelang dunkri akenangsot. Apor chipi dun thekthe det pulote ongdung osomar aphai lapuson heihui asai kachomathaji angring thetan do pusi Department of Mental Health and Behavioural Science, Director Samir Parikh than.

Leave a Reply

Your email address will not be published. Required fields are marked *

August 2017
M T W T F S S
« Jul   Sep »
 123456
78910111213
14151617181920
21222324252627
28293031  
Archives