ADVERTISEMENT

This area is available for advertisement. Please contact for details.

Arnivang
Get Adobe Flash player

Hamren along Masjid pen dhorom a school kangpuji aphan Muslim dim kehang

Diphu, Jakhong 31: Karbi Anglong arlo angtan amonit nang kebatpik ajoine district atok-ano anta plengsetsi theklong.
Muslim akhei atum ta Karbi Anglong pen West Karbi Anglong district hini along kechanpik ajoine non apor anke Mosjid lapen dhorom school kangpuji aphan Hamren along longle hang dun tang lo. Pinpurme, Muslim akhei atum kardom-kardiji lapen dhorom alam kachethanji aphan school kangpuji pusi Hamren Agriculture Colony alongle hang lo. Laso alongle kelongji aphan alanglitum pen OSD arideng loh pale dam lo. Kehang ateng OSD pen ARO Dongka Circle alongsi toi thu lo.
Pinpurme, sixth schedule aron ateng pulote inglong aso kalidet akhei atum aphan longle lease lapen ningkangsam pen anta pilongle pulo tangte Muslim akhei atum Mosjid lapen dhorom school aphan longle kehang aphuthak kopilo Karbi Anglong Autonomous Council atum kipu dunji?
Karbi Anglong arlo jasemetpet Bangladeshi Muslim atumsi nanglut lo. Lason thotsi West Karbi Anglong arl ota Bangladeshi Muslim atumsi lut lo. Kedo kachethakjam ajoine jumhek naknak ason seta non apor Hamren Agriculture Colony along Mosjid lapen dhorom school kikimji aphan Muslim ko-an do ave cheklang lo.
Pinpur thume, Karbi Anglong arlo lahai Bangladeshi Muslim atum behaso kachoklem pensi chepangreng lo. Thela kedoi pen chenglok han kejor, hem kikim along kachongdat lapen kaprek-kaprek kibihek abeha keklem pensi chepareng anparta chan-i lo. Lasi lahai kachongdat avarsai methang inglong aso angbong kacherai dun nangji akenangsot.

One Response to Hamren along Masjid pen dhorom a school kangpuji aphan Muslim dim kehang

Leave a Reply

Your email address will not be published. Required fields are marked *

August 2017
M T W T F S S
« Jul    
 123456
78910111213
14151617181920
21222324252627
28293031  
Archives