ADVERTISEMENT

This area is available for advertisement. Please contact for details.

Arnivang
Get Adobe Flash player

Angtan adet pen kevang aphuthak 1951 aningkan abangsi deng nangji: PPF

GUWAHATI, Jakhong 23: Detpi adangpi aphan kehot angtan adet pen kevang aphuthak 1951 aningkan abangsi deng nangji pu along Assam alongta angtan amonit aphan puthot kepangthek asai deng nangji pusi Patriotic Peoples Front (PPF) atum pachetak aloh pen ningje. Aprangke East Pakistan laso aphi Bangladesh pen kevang atum aphan jongsi monit hijan kajinso do mate International intricacy ajoine kiplungji aphan un-eh pulo tangte halahai amonit atum aphan vote kipi ajakong pipe det nangji jongsi piji pulote sai kachongdat a licence abangke pitame pusi tiri kechari atum aphan PPF pachini.
Angtan pen nangkilut amonit atum aphuthak Supreme Court along non anta ingsai bom lang lasi court along angtan amonit kapangthek along 1951 aningkan abangsi chedon dun nangpo pusi PPF atum Assam Chief Minister Sarbananda Sonowal aphan choningri. Kedamtang 1951 pen 1985 aningkan an ningkan trok Assam along kachesong ahut kechengsi apran kedam Khorgeswar Talukdar pen danglok kadokave kachesong abangphu bangphi atum angtan adet pen kevang atum aphan kapangthek lapen kiplungji aphan 1951 aningkan pensi deng nangji pusi alanglitum chesonglo. Assam kachesong ahut apran amoui kedam bang 850 atum akemang aphuthak aman pisi angtan adet pen kevang aphuthak 1951 aningkan abangsi deng nangji puta PPF pachini.
PPF atum kapangdak thuke 1951 aningkan pen 1971 aningkan Matijong 16 arni an Assam along nangkilut halahai amonit ahok petke East Pakistan ateng Pensi hok nangji. Athe Bangladesh amahang kethek ke 1971 Matijong 16 aphi. 1971 Matijong 16 anta Bangladesh ke East Pakistan lang puta PPF pangdak. Pherangke amai along PPF pen Rupom Baruah, Naba Thakuria, Pramud kalita, Jagadindra Rai Choudhory, Anup Sarma Utjjal Saikia lapen arisangho atum.

One Response to Angtan adet pen kevang aphuthak 1951 aningkan abangsi deng nangji: PPF

Leave a Reply

Your email address will not be published. Required fields are marked *

July 2017
M T W T F S S
« Jun   Aug »
 12
3456789
10111213141516
17181920212223
24252627282930
31  
Archives