ADVERTISEMENT

This area is available for advertisement. Please contact for details.

Arnivang
Get Adobe Flash player

CEM akerap pen GGKSA -AIKSU atum Robinson Ingti aphan jail pen kapajok dun

UntitledDIPHU, Jakhong 19: West Karbi Anglong district kaparlo Karbi Rongsopi Ingleng  arong along kedo Robinson Ingti aphan CEM Tuliram Ronghang bail security aphan tangka sika 25,000 kerap pajir dunsi jakhong niphai 18 arni GGKSA dun meiphu Dhorom Sing Ronghang pen AIKSU sankur chunbang Bikrom Hanse atum jail pen pajok dunlo.
Robinsong Ingti jail kejang nang athe kachini dun atengke alangli Guwahati arongsopi along moving Restaurant mate gari pen along along kedamvoi Master Chef asaisi chongdat dunlo. Laso kachongdat anam chiklo ejon along sika 11,000 nangpi po pusi manager abang chechaklo. Setame chiklo jonthom plengdet aphita kachongdat anam kipipe det ajok arnisi abangke Manager along Mobile kachenamji aphan Robinson tangka chohang lo. Manager abang tangka avelang pu ningjesi Online pen mobile nanghang pipu pu ning pathelo. Laso aphi Robinson online pen Samsung a  mobile longlo.
KAAC kilik adihu Robinson abang hem chdam lang pu Manager along hokum chohangsi hem chevanglo setme kilik jut det aphi alangli puthot Guwahati kachedam thu ahut abangke alangliphan mobil kanghu akoi pisi manager abang lamhoi pidetlo lapen jail pabeng thotlo. Alangli nithom Guwahati Central Jail along pangthang nanglo. Lapuson apor ahut KAAC CEM Tuliram Ronghang Bail Security aphan sika 25,000 kerap pajir dunsi GGKSA dun meiphu Dhorom Sing Ronghang pen AIKSU sankur chunbang Bikrom Hanse atum chelangsi Guwahati High Court along Bail aphan klem pi dam si Robinson aphan pajok dunlo.

One Response to CEM akerap pen GGKSA -AIKSU atum Robinson Ingti aphan jail pen kapajok dun

Leave a Reply

Your email address will not be published. Required fields are marked *

July 2017
M T W T F S S
« Jun   Aug »
 12
3456789
10111213141516
17181920212223
24252627282930
31  
Archives