ADVERTISEMENT

This area is available for advertisement. Please contact for details.

Arnivang
Get Adobe Flash player

HS final year angthek: Karbi Anglong alongri ki-un phant 50.49

Karbi Anglong a-oso Assam HSSLC-2017 satlang angthek along kethom angdeng kachepale dun

Diphu, Aru 30: Assam angkangpi AHSEC pen kepha asatlang angthek pini paklang lo. Karbi Anglong alongri pangrumpet bang 5359 atum Higher Secondary final year asatlang tok dun lo lapen pangrumpet bang 2706 ke-un dun aphai angbong 1st division ke bang 142, 2nd division ke bang 542 lapen 3rd divion along kelong aphai bang 2023 an henlo. Laso asatlang angthek kapaklang along Assam angkangpi angbong Karbi Anglong alongri henlo kapaphi dunnei pangrumpet ke-un aphai phant 50.49 anvet. Dhemaji alongri henlo Assam angbong ke-un aphai phant ke-ongnei pangrumpet phant 90.17 an chepalong dun lo.
Satlang angthek Karbi Anglong alongri kememe det ateng pulote charli ahin kapaprang der dunpik alang.
Pini Assam angkang Higher Secondary School Leaving Certificate (HSSLC) asatlang angthek kapaklang lo. Laso ahut Karbi Anglong aoso Gunaram Das asopo Mrodupawan Das 480 chepalong dunsi Assam angkang angbong pen kethom angdeng an chepalong dun.
Nagaon, Ramanujan Junior College kacharli aoso Rajababu Saikia kechengsi angdeng
482, Pathshala Krishnakanta Handique Junior College kacharli aoso Abinash Kalita adunthu angdeng 481, Ananda Ram Baruah Academy kacharli Kunal Horo kethom angdeng 480, Debrugarh Salt Brook Academy along kacharli Karbi Anglong aoso Mridupawan Das kethom angdeng 480 chepale dun lo.
Pathshala, Ananda Ram Baruah Academy pen Illiyas Khan Rana, Nagaon Ramanujan Junior College pen Suman Chetri atum banghini 479 chelong pli angdeng chepale dun.
Pathshala, Bajali College pen Indibar Talukdar lapen Nagaon Ramanujan Junior College pen Bhargab atum banghini 478 chepalongsi pho angdeng chepalong lo. Trok angdeng along 477 a number kachepalong atum Dhubri Sishu Pathshala Higher school Bhaskar Ghosh, Dibrugarh, Salt Brook Academy pen Kaustavmani Hazarika, Guwahati, Cotton College pen Raunak Jain, Nalbari, Gordon Higher Secondary pen   Samarjit Kalita atum hen lo. Dibrugarh, Salt Brook Academy pen Mayank Prasad total marks-476 chepalongsi troksi angdeng chepale lo. Pathshala, Krishna Kanta Handique Junior College, Asim Mazumdar lapen Dibrugarh, Salt Brook Academy pen Sirsha Mazumdar atum total marks-475 chepalong nerkep angdeng chepale dun. Nalbari, Ananda Ram Baruah Academy pen Darshan Talukdar total marks-473 chepalongsi sirkep angdeng chepale dun.
Silchar, Ramanuj Gupta Junior College pen Saumik Dey, Dibrugarh Salt Brook Academy pen Nishita Borgohain, Arnab Kapil, Mojammil Ahmed, Kumar Ratnadip atumta 473 chepalongsi ingdeng sirkep ang chepale dun. Kep angdeng along total 472 kachepalong atum Biswaroop Laskar, Naina Hatibaruah, Niki Baruah, Dipnilim Das, Abhinab Chetia, Basab Ranjan Dahal, Samudrajit Barua atum hen lo.

Leave a Reply

Your email address will not be published. Required fields are marked *

Archives