ADVERTISEMENT

This area is available for advertisement. Please contact for details.

Arnivang
Get Adobe Flash player

Bang 85 atum Longsing Bey along kacherap kacheto dun

Chinthong Constituency BJP abui kangrai

Umlapher, Aru 30: Chinthong MAC constituency arlo kado kave bang 85 BJP asongja lapen atoi atum BJP asong che-ohsi AGP pen kilik karjap dun Longsing Bey along kacherap kacheto dunji aphan lamchak chipilo pusi birta long dun.
BJP asong che-oh pen AGP along kacherap kacheto dunji atum ke Dilip Teron lapen atoi bang thomkep atum BJP che-ohsi Longsing Bey along cherap dun lo.
Amser arong pen Welbas Sten pen atoi bang 20 atumta AGP pen kithur dun bangphu Longsing Bey along chelang dun lo.
BJP Chinthong Mandal a sankur chunbang lapen BJP Yuva Morcha ameiphu Rousing Hanse atum kejalin bang 35 atum AGP along keklem kedam kachepadukji aphan chechak lo.
Pinpurme, kedamtang ningkan krepho Prodip Rongpi EM kikhi ahut nahokta rat kachingthur angthek ave. Government pen kipi avarsai do-an amethang amonit aphan kachipi chot ajoine Chinthong ahavar arat atum thangta kachingthur ave det lo.  Lasi non aphong MAC kilik ahut ke Chinthong along amahang kethekvek abangphu Longsing Bey aphan kapahaivekji aphan bor-i po pusi mai along alangli tum rat angno lamchak chipi puta birta long dun.

Leave a Reply

Your email address will not be published. Required fields are marked *

Archives