ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong hemprek kehang ke ardi aveKarbi Anglong hemprek kehang ke ardi ave

Karbi Anglong hemprek kehang ke kilik ahut kehang a hemprek chotsi kedamtang apor ahut anta thek long. Athe kaike ahut ke doklipji seta isibak akilik nangle lote hemprek kehang inglum po lapen kehang abang ta dopikji. Laso akehang ta nahok lele akehang, ardi ave det. Athe ha kehang nangji adim ke hanghe lapen pinpur aloh keloji ta DC arideng pajir damlok anchotji. Lake nahok ta lele athe India angkang lapuson hemprek kehang asong ke 300 bak ta sose lapen PMO along ke arnisi-si pak pharo-pharo akiso lapen pinpur aloh ke ledam. Bangso alam ke chinihur lo. Seta ladak a song lapen rat jabang atum abang ke lupiksi pinchong det lo. Kilik apor lote hemprek hang po lapen hemprek amen pen mai pha po lapen dharna ingni po, lata dak methang adim chot. Lake Delhi kali Dispur asor anta chini vangve. Lhai keklem aphuthak kachepindakji ke local newspaper along pi chot, lake kopi koson ma ke dak arat ke kachini tang lo lake ratchari ale aphan chot puke. Lason alam kapinchong ke la-la asong pu alam kali lo, asitin ratchari asong atum ta klem pet lo. Lasi neli kipuji pu abang keklem amokha abang ardi chepave det, athe kaike ta kilik doji dokdok lapen kilik atemon kejapbom ahut. Bangso apor lo pulote pinpur aloh kapajir lapen dharna heihui dovek lo. Lake sankur arat ke kroikre. Kekroiji ke kai kekroiver aratchari abe kidun atum anvetji.
Ahok-ahak keklem pachunvekji pulote kilik ahut chot kali ra kehang binong pu angthek chepaklang thek nangji. Kado kave ta chinihur lo government ke rat aphansi kaphere puke, seta arat abang chethakjam, rejam, thekjam pulote government ke kekroikreji aphan angkraksi kenangji. Lasi angtang pithekthe pulote ale ave. Seta arat le ong eh puseta keklem abang chepaduk thek lapen angtang pithek pulote lata government ke ardi piji. Pulonang, risim pen kachesong asong atum ke aphai le ong eh puseta arisim abang ajakong do ingtangrak, kemang kengset lapen ajat ta klemhai pulote government ke phere lo. Seta ratchari paklong pen ratchari ale aphan pulote lake nahok ta lele lo. La non kedambom Karbi Anglong asong atum ahemprek kehang pen ke tongtong chunche lapen kedo an asong angbong ta chingrum un eh. Ha komatne asong kimi vang po anke rat apharman, hemprek apharman pu po song abang nang ongbom chethak bom amat ardi abang nang ave bom. Lasi non akenangsot abang asitin asong ta kengkam isi-si rat aphan khei aphan chematha pen ratchari pathethe ra sun pen apex body keseng hen atovar ke. Bonta chetonte amat chokjam bom pulote asai kachepamam chot lapen tangka rung chot anvet lo. Laso atovar ta kali pulote Nagaland pen Bodoland atum asonsi isibak kangtangrak asong abang methang hijan amonit aphan kangsai un asong nangklang nangkok po. Kali pulote kachejong seroi lapen kachekhinde seroi amat ne menai lo netum asong keklem choknai lo pu chepindak pen local paper along pangdak chot anvet lo lapen nahok ta kele damde akachesong lo.

2 Responses to Karbi Anglong hemprek kehang ke ardi aveKarbi Anglong hemprek kehang ke ardi ave

  • lata ahok lo nagli kthanta.,

  • sita hemprek loglote etum karbi khei angbog ajat akesung ta ave loma?hemprek kehang itum bor ih ship lote log poma??ppot lo etum nn kacharli ibom ketok ibom ta bang akhor ,amek,alatter lapn bag alam pn charli inagkok tok ih nagkok k?lapn dak karbi anglog alog-‘karbi hejanle cherapre te mat c nagrap helag mako.’pu nn anta chethan bomlag..athe dakke karbi akhei alogri kali apot bon.dak ke ene karbi tum nagkedo tap bon.mate karbi apharman kaprek alogri alog dak k karbi alogri hako penta . pu dolagma??ne kpudam kangtug ke etum khei aphan apor parpik lo par olo apor avelo khei kachgthur g aphan..sita ihin pnke apor dolag ‘karbi akhei achethe dolag lapn karbi akhei virve lag.la an chotlo…nn matne inutbak akarbi matha loma je karbi alamta akhor amek do asonte..kepu g ason dopik sita pupelo.athe nn c clas 10 vt ne…majok ctame hemprk logle angko c karbi anglog lapen khei kapachgthur g aphan matha paprang naghelag lapn bor i naghelag

Leave a Reply

Your email address will not be published. Required fields are marked *

Archives