ADVERTISEMENT

This area is available for advertisement. Please contact for details.

Arnivang
Get Adobe Flash player

Songve along ke cherap dunta ale ave, latum ke EM kelong dunji aphan ningthethe: Lunsing Teron

UntitledDen Arong, Aru 28: Pini arnikangsam porphai 4:30 apor Mahamaya constituency angkang Paklongklam ahavar Rebap Artu along BJP a ticket pen kilik kachedan dunji abangphu Lunsing Teron vote kehang amai kapangni.
Harsing Ingti kachepahemphu amai along Birensing Taro alohi pachini lapen Jiten Terang si mai kepha alamthe jai. Mai along alohi aman pen kilik kachedan dunji abangphu Lunsing Teron pen chenglok BJP asongja Orson Rongpi, Harsing Ingleng anparta Saratsing Teron, Longsing Tokbi, Babu Tisso lapen Jiten Timung atum chetong dun.
Lunsing Teron lamthe kijai ke, ‘nanglitum non kilik katebokhet ahut Untitledmathadun pameka nangji athema Mahamaya along kilik kachedan dunji atum dopik khangjang, mane aparty atumke pini arnisivet bate ne kilik huidun unchit anle ne rat chilong antame pu matha nanglitum aphan tangka maha hor ok pen nang bai pen mo hai det aphi ke nang panungkuk atumta doji. Seta nanglitum akinangji ke non kachipaduk dun ale hai det pen mesen achokamar nangli nangli hem asor nangli somar pen nangli don nanglirap atum akai akereng kilong dun nangji aphansi matha nangji.
Nanglitum arong along meh, tovar, kijun alang lapen kaprek kaprek kachingthur avarsai kipi abangphu aphansi matha nangji, rong arat atum penta amuka atum kilik ahut kachepaduk dun ale bate BJP aphan kachiki dun ale pini anke mesen avarsai longdun lo pura nangpa chikimo long nangji puta Lunsing Teron jai .
Neli jongsi nanglitum akerap pen hai det pulote neli methang aphan mute nanglitum aphansi nanglang paphrangji. Neli un an Mahamaya angkang rong arat asontin amota kiduk kisung dun nangver ason do-an pen kapajokji aphansi nang arjappi dun lo.
Non kevangji MAC kilik ahut ke BJP pen akaprek ratchari asong atum ke Council chari un-eh, lasi songve pen karjapdun abangphu atum along kacherap dun atumta BJP along kevang etji aphansi choningri lo. Jongsi songve pen inut banghini atum hai dun pusetame latum ke EM longle. Lasi rat aphan thangnat ta kerap avarsai pithekthe puta Lunsing Teron mai along jai tekang.

Leave a Reply

Your email address will not be published. Required fields are marked *

Archives