ADVERTISEMENT

This area is available for advertisement. Please contact for details.

Arnivang
Get Adobe Flash player

Hamphang asong 26 atum NH-39 karangkha longle det

‘Aron damde KAAC kilik kapangdak’

Diphu, Aru 26: State Election Commission aron ave pin pen KAAC kilik kapangdak, Bonga Sena keplengset a voter list pen kilik kapadoji pu aphuthak hamphang asong 26 atum NH-39 Hanjanglangso along tovar karangkha asai deng lo. Laso ahut kaprek kaprek ahavar pen rong arat, charli osomar lapen riso-ejang atum cheto dunsi bang suri isi sose armu chingrum lo.
Seta laso ahut tongsekot pen ongdung raikom asaikhi atum adim along pale dunsi NH-39 atovar parangkha longle det lo. Laso ahut monsam pen kachesong arat aphan kechok ketheng lapen ther-hap khang dun chek lo.
Laso ahut Magistrate nangle dunsi minut hini angbong mai kangniji aphan lamtoi pilo. Mai along kachesong kejalin asongja atum pen kachetong arat atum aphan kenangsot alamthe heihui than dun lo. La-an chot kachesong aphuthak ketokjir aloh heihui ta rat atum aphan ron dun lo.
Pinpurme, Aru 24 arni SSIC a chunbang Pranjol Kro lapen NNKRAA a chunbang Ojeet Rongpi atum aphan ahem along nep damsi police atum amethang arideng chikok lo. Laso aphi pini arnikangsam aporsi alangli tum banghini atum aphan nang lo thulo pusi UHDO sankur chunbang Emmanual Ronghang lapen UKSA pen Albatson Ronghi lapen NKSA pen Longson Ingjai atum tokjir aloh pen birta nangpale.

Leave a Reply

Your email address will not be published. Required fields are marked *

Archives