ADVERTISEMENT

This area is available for advertisement. Please contact for details.

Arnivang
Get Adobe Flash player

KAAC kilik: Rupsing Bongrung pen CCLDC angbong lamdon kachetok

UntitledChinthong, Aru 25: Non kevangji KAAC kilik ahut no.3 Chinthong MAC constituency along Indian National Congress a ticket pen kilik kachedan dunji abangphu Rupsing Bongrung lapen Chinthong Constituency Local Development Committee atum angbong lamdon kachetok.
INC pen kilik kachedan dunji abangphu Rupsing Bongrung lapen Chinthong Constituency Local Development Committee atum lamdon kachetok ahut kado kave sonpho alam chekroi lo.
Kachini kilu kelem lapen kapaphihup akhei Karbi, Khasi, Nepali heihui akhei aphan ingthur pon nangji, CCLDC ke malomso aphan asong kali seta lake Chinthong ahavar kapachingthur, monsam apharman kelangchariji asong lo. Chinthong MAC mate EM pen kedeng kachingthur a scheme do-an angbong pen achitim ke MAC pensi otpo lapen chitim ke rat atumsi kopisi keklemjima cheraipo. Laso angbong Karbi aphan phant 25, Nepali aphan phant 12 lapen Khasi akhei aphan phant 12 si thiklo.
Chinthong Constituency Local Development along Chinthong Constituency pen kilik kachedan dunji abangphu atum lamdon nang chipivek nangji. Chinthong ahavar kedo kaprek kaprek asaikam atum pen keklem asai along CCLDC atum pen langchari dunji pusi heihui alam chekroi lo.

Leave a Reply

Your email address will not be published. Required fields are marked *

BREAKING NEWS
Archives