ADVERTISEMENT

This area is available for advertisement. Please contact for details.

Arnivang
Get Adobe Flash player

Kado kave ta chokche pu alam angthek klangsi kangsai pilo

Kuti 1000 kapanglim kangsai kapajut

UntitledGUWAHATI, Aru 23: Kuti 1000 atangka NC Hills kapanglim along kacherap dun atum bang 14 atum aphan pini arnikangsam NIA court along kangsai kipi nangji alam patini lo. Urmi arni kangsai along do-an bang 14 atum aphan ta chokche pu alam theklong lo lapen laso atengsi do-an aphanta ahokpet akangsai pilo. Aprangsi akangsai (first charge) Jewel Garlosa, Niranjan Hojai lapen Mohit Hojai atum aphan kai arjon jail kedo nang, lasonsi adunthu akangsai (second charge) along kepho dun atum aphan ningkan kep jail kedo nang.
R H Khan lapen Ahshringdao Warisa atum aphan first charge along ningkan kep jail kedo ahukum pilo lapen second charge atum aphan ningkan 12 jail kedo anong-eh alamtoi pilo.
Halapu Jayanta Kumar Ghosh, Debashish Bhattacharjee, Fazendra Hojai lapen Vanlalchhana atum aphan hini charge kipi along kepho dun ningkan kep jail kedo nang ahukum pilo. Setame, Babul Kemprai, Malsang Kimi, Sandip Ghosh lapen Karuna Saikia atum aphan ningkan nerkep jail kachar-um nangji ahukum pilo. 
Adai kedo atum an aphan sika suri ingkoi ra pharo pho piji nangji pipe pulote abat ningkan pho jail do thu nangpo.
Adai kedo atum aphan under sections 120 (B), 16/17/20, 25 (1) (D) of the IPC of the Arms Act pabon lo.

Leave a Reply

Your email address will not be published. Required fields are marked *

Archives