ADVERTISEMENT

This area is available for advertisement. Please contact for details.

Arnivang
Get Adobe Flash player

Kado kave bang 16 atum kilik kachedanji along pen amen kache-en

Bang 171 atum KAAC kilik chedanpo

Diphu, Aru 22: Non kevangji MAC kilik aphan kedamtang Aru 19 arni Diphu Deputy Commissioner asaihem, Hamren Deputy Commissoner asaihem lapen Bokajan SDO(civil) asaihem along LA constituency pli angkang kedo a MAC constituency along pen kilik kachedan dunji aphan ongdung atum nomination aloh jok dun lo.
Laso aphi Aru 20 arni nomination aloh kejoktang an ingkrung ingsai lo, seta laso along maduta klokle detsi bang 187 nomination aloh kejok atum chedo thot lo. Laso aphi pini kilik kachedanji along pen mate nomination aloh kejok atum amen kache-en thuji aphan kapadusi arni hoklo.
Lason ahut LA constituency mate bang 187 nomination aloh kejok angbong pen bang 16 atum kilik kachedan dunji along pen amen che-en lo.
Amen kache-en atum Bokajan LAC angkang pen Deopani MAC constituency along Borsing Rongpi(songve), Borjan MAC constituency pen Ganesh Bhujel (songve) lapen Budheswar Orang(songve) lapen Duarbagori MAC constituency pen Densing Terang(songve) atum hen lo.
Baithalangso LAC angkang along Duar amlo MAC constituency pen Bijoy Teron (songve), Lorence Teron (songve) Chinthong MAC Constituency pen Sar-im Bey (songve), Kapili MAC Constituency pen Mongve Kro (songve) atum hen lo.
Diphu lapen Hawraghat  LAC along Singhason MAC constituency penThansing Tokbi (songve), Phuloni MAC constituency pen Babusing Terang (songve), Howraghat MAC constituency pen Manoj Teron (songve), Budheswar  Teron (songve), Lumbajong LAC constituency pen Ramsing Ingti (songve), Nomati MAC Constituency pen Bharat Kumar Timung (songve), Mahamaya MAC constituency pen Keshav Timung (songve) lapen Dhansiri MAC constituency pen Samsing Hanse (songve) atum hen lo.
Bang 16 atum MAC kilik along pen pini amen kache-en det ajok non kevangji MAC kilik ahut kado kave bang 171 atumsi kilik chedan po.

Leave a Reply

Your email address will not be published. Required fields are marked *

Archives