ADVERTISEMENT

This area is available for advertisement. Please contact for details.

Arnivang
Get Adobe Flash player

Agriculture asaikam pen SHG aphan kipi nangji a power tiller, kelong nangji atum longle

Dongkamukam, Aru 22: Kedamtang  2012-13 abaha EM Mongalsing Timung kacherai Agriculture asaikam pen Hamren sub-division mate West Karbi Anglong anathu Rashtriya Krishi Vikash Yojana (RKVY) scheme pen amen kachethap tang (register) self help group atum aphan Power tiller kipi do.
Seta kamanghumeme alam ke, non puta SHG atum power tiller kelong dun thek longle lang pusi rat atum pherangke aphan birta pachini. Lason thak thaksi Dongkasarpo along Singjyoti SHG, power tiller engine no.12102462(SIFANG) L/12/01814. Sai katiki kejoi ke aphan pura Karbi Anglng district executie engineer mate Agriculture department atum kapethik do, seta Self Help Group (SHG) atum lapuson avarsai do pu alam anta chinine si manghu phronglo, athe laso power tiller arje amatsi rat atum thek longle puta rat atum pherangke aphan than. Lasi SHG atum cheroktoksi lahai kecho kapanglim atum aphan pangthek nangji puta rat atum ningje.
La-an chot kali ke-ongdung adim lapen a SHG atum amen lahenlo Mirlong SHG, Natun Ghilani engine no. 1113020588(kamco), chassis no.1213030649, Langkhang SHG (Ghilani) engine no. 3113030274(kamco), chassis no.121303301101., Chingri SHG (Rongkimi)  engine no.1267000 (Sifang) chassis no. L/12/01659, Ove Chingthur SHG (Ghilani), engine no.124197 (texmaco RT 120) chassis no.4566, Mirmili SHG (Dongka) engine no.G23002753, chassis no.1402869, Dongkasarpo SHG (Dongkasarpo) engine no. 57300161 (Rhino) chassis no. 134415 heihui kele nangji adim along lele lapen komat tong kapanglim det lone pusi rat atum arju.
La-an chot kali Agriculture department pen SHG atum aphan panong det aphi seta elongnat a SHG atum arideng alongta power tiller asai kipi mate SHG atum power tiller kelong thek longle lang pusi ke-ongdung kacheroktok arat atum than. Tangte methang Karbi Anglong alongri lapen SHG amen dodong atum seta amen ateng pen nang kapale ahormu kelong nangji abangphu/phi atum longle det ke komat abangphu atumsi kapanglim joi lo pusi rat atum ningje.
Lahai aphuthak tarlip pamesi adai kedo abangphu atum aphan prapjin nep ingnang nangji puta rat atum pherangke athengno ningje.

Leave a Reply

Your email address will not be published. Required fields are marked *

Archives