ADVERTISEMENT

This area is available for advertisement. Please contact for details.

Arnivang
Get Adobe Flash player

Tangka kereng ke-en pen birta ketok pi detle ‘Paid News’ kali: Longsing Teron

UntitledDiphu, Aru 21: Karbi Anglong Autonomous Council kilik nang keleji dokdok apor ahut pini Diphu Lorulangso Rangsina Sarpo cultural hall along JAFA Karbi Anglong district committee atum patirpisi ‘Paid News’ lapen News Reporting during Election’ aphuthak arnisi apharman saikulat pangni.
JAFA Karbi Anglong District Committee ameiphu Rajbir Singh Untitledkachepahemphu amai along chunbang Dr. Lipson Rongpi pensi mai kepha alamthe kejai lapen alohi kapachini apor en.
Mai along athepi aphuthak kethanji aphan JAFA state ameiphu Thekar Chapbang Longsing Teron mai along chetong dun.
Pherangke atum kachepindeng nangji aot adur pen chenglok, keklem kedam nangji lapen koson apor ahut koson a news tok nangji alam heihui mai along thanbang Thekar chapbang Longsing Teron than.
Pherangke atumta kado kave arat ateng lo, pherangke pu amatle aron kelangchari atum nanglo plotji pu aron ave. Lasi ajat asai le klem lapen ajat a news le tok seta aron ateng nangji puta Teron sangho than.
Kilik apor ahut komatne kilik kachedan abangphu abe dun pen news ketokpi aretta paid news lo. La-an chot kali komatne arle kethe abe kidun pen arni news ketokpi lapen kero pharcho a news ketokta paid news lo. Lasi tangka kereng kacho-en pen news ketokpi det le ‘Paid News’ kali puta than. Advertisement kipi ta paid news seta ladet le paid news kali puta alangli than.
Kilik apor ahut kapabat lapen kapajum a birta toktesi ahok pet a abirta tok nangji lapen ahokpet alamsi rat aphan pachini nangji pusi than.
La-an chot kali kilik ahut khei angbong charvo dut meme alam heihui tokte det nangji lapen komatne akhei aphan kasorsar kiputut a birta kapangdak pen chere nangji puta than. Kilik apor ahut election commissioner, Returning officer heihui atum kapinkhat alamta birta ketok ahut ardi en pon nangji puta JAFA state ameiphu Thekar Chapbang Longsing Teron than.
Mai kapajut ahut JAFA Karbi Anglong District Committee chunbang Dr. Lipson Rongpi pen kacharo alam pajir mai pachekak lo.
Laso asaikulat kapachunji aphan Karbi Anglong district Administration atum ahin pensi kerap pajir dun lo.

Leave a Reply

Your email address will not be published. Required fields are marked *

Archives