ADVERTISEMENT

This area is available for advertisement. Please contact for details.

Arnivang
Get Adobe Flash player

Dokmoka ahithi along ihum bike meh kecho, bang hini areng keso

UntitledDen Arong, Aru 21: Dokmoka Police station angkang Dokmoka ahithi along amat pini anerlo porphai 11:30 apor bike pen tempo kachetong ajoine korte-te banghini areng keso.
Birta kelong dun atengke, areng keso korte-te banghini atum Dokmoka Teke Rongpi asor Harsing Timung (28) lapen Sona Timung (25). Areng keso ahir kangtangrak ajoine non amat kithi kereng pen chesong bom puta birta long.
Mek renglok kethek dun long atum kethan atengke, pini alanglitum korte banghini Dokmoka army camp athengnosi kulat kachobi dun lapen bike ajangthuta jorbom. Amethang a kulat along kejorji aphan Dokmoka petrol pump along jangthu kenam dam pen nang kachevui ahut Dokmoka hospital athengno tempo pen kachetong chet ajoine bike chekoi lo. Laso kachingkoi ahut  petrol galand phukdak menmen meh kar-luk amat korte-te banghini aphan meh choteran lo.
Tongsekot seh kelangji aphan Dokmoka hospital along pale lo, seta keso ahir kangtangpik ajoine Nagaon along seh kelang damji aphan toilo. Birta kelong ateng Nagaon alongta un-eh si Guwahati an palelo. Non birta ketok bom apor ahut anke alangli tum kithi kereng aphan chesong bom lang pusi birta long.

Leave a Reply

Your email address will not be published. Required fields are marked *

Archives