ADVERTISEMENT

This area is available for advertisement. Please contact for details.

Arnivang
Get Adobe Flash player

Aru 22 arni henlo, nomination aloh kache-en aphan kapadusi

Diphu, Aru 21: Non kevangji Karbi Anglong Autonomous Council kilik aphan kedamtang Aru 19 arni ansi Nomination aloh kejok apor pathik lo. Laso ateng Karbi Anglong Autonomous Council kaparlo constituency 26 pen kado kave bang 187 atum nomination aloh jok lo. Aru 20 bhomkuru arnisi latum kejok aloh kangkrung kangsai asai denglo. Seta kangkrung kangsai ahut madu ta keklo kle det ajoine nomination aloh kejok atum non anke ephong atengsi aphai dolang.
Lasi penap Aru 22 arni nomination aloh kache-en kapadusi arni komatne kache-en dam abang jongsi dokok pulote bang 187 angbong pen jumpo seta che-en eh pulote non aphong MAC kilik ahut henlo KAAC kilik along kachedan atum ke-ongnai asonsi manpo.
Non amat kache-enji meme theklonge lang, kejoktang atum angbong pen che-enji che-en ehta bang 86 songve pen kejok atum anchot lo. Athe bang 101 atum ke kaprek kaprek ratchari asong pensi nomination aloh jok dun lo. Lasi latum ke kache-enji det angring jumhet asonsi thek long.
Nomination aloh kejoktang atum rong arlo lutsi vote kerek asai penang an kedeng theklonglo. Lason ahut armu kachesan kachivung pen kachithi asai ta aphi-ong ong asonsi theklong.

Leave a Reply

Your email address will not be published. Required fields are marked *

Archives