ADVERTISEMENT

This area is available for advertisement. Please contact for details.

Arnivang
Get Adobe Flash player

Ticket kipi kechokche ajoine Langpher Mondol Congress atum arpu pen kache-oh

Diphu, Aru 20: Non kevangji KAAC kilik along Congress asong pen bangphu kangvai aphuthak ningkangsamse chepaklangsi Aru 19 arni District Congress asaihem along Langpher Mondol Congress Committee klembang atum arpu pen kache-oh aloh KADCC chunbang Bidyasing Rongpi arideng kapajir dam.
Congress High Command atum Langpher along song keklem chepaduk krup atum aphan chinine lapen komat aphansi song a ticket pi pen pahai dun nangjima chinine ajok kelong nangji vek aphan pipesi akaprek abangphu aphan ticket kipi rong aphuthak Langpher congress arat atum manghu prong lo. Lasi, non kevangji KAAC kilik ahut komat aphansi vote kipiji ma lake mathadet po. Athe Langpher along INC asong pen ticket kipi chokche, anparta, non ticket kangvai a candidate Longki Ingti aphan ke Langpher arat atum chininesi ke-ong lang. Lasi, Langpher Mondol Congress Committee sankur chunbang Mohon Teron, dun meiphu Dorsing Ingti, chunbang Desoi Sangma, klembang Mongalsing Millik lapen Thuw Sangma arpu pen che-oh pusi alanglitum laso abirta aloh along tokjir pen birta nangpale.

Leave a Reply

Your email address will not be published. Required fields are marked *

Archives