ADVERTISEMENT

This area is available for advertisement. Please contact for details.

Arnivang
Get Adobe Flash player

Phuloni along CM pen Dorsing Ronghang amephi kekai

UntitledPhuloni, Aru 18: Kevangji Vosik niphai 12 arni KAAC kilik State Election Commission pen pangdak det aphi ticket apharman ratchari asong atum jasemet petke BJP asong angbong ticket kachithi bom apor ahut Aru niphai 17 arni abangke BJP pen danglok kaprek kaprek ratchari asong atum methang methang kithur dunji abangphu abangphi atum amen chepangdaklo. Amen kapangdak aphijong kaprek kaprek constituency along penang an hur chodutlo. Aning kangsamse ajahak BJP klembang atum Diphu BJP asaihem along poster/banner kangsek lapen Dhansiri constituency pen ticket kipi kapachechokche ajok Manja, NH-36 Mohongdijua along tyre heihui meh kekai asai dengdet aphi pini puthot Phuloni pen Centre alongta ajahak aning kipung BJP klembang atum BJP asaihem arlo tengkheng dutsi saihem arpong kaphalangno lapen poster banner heihui ingsek. BJP jalin atum aphan jume juno alam pinremsi kehang kasarlang pen Chief Minister Sarbananda Sonowal, Minister Dr. Himanta Biswa Sarma, CEM Tuliram Ronghang, MLA Sum Ronghang lapen Phuloni MAC Dorsing Ronghang atum amehphi kai.
Mehphi kekai asai kedeng ahut ning kipung BJP klembang atum kachethan atengke EM Dorsing Ronghang aphan ning ingsamse lapen kevangji kilik ahut alangliphan vote jokje lasi prapjin pen alangliphan kipi a ticket  ingthan serak nangji pusi BJP jalin atum aphan choningri. Jongsi ticket ingthanthe pulote prapjin pen Phuloni constituency HSDC ticket kehang abang Manindra Bey abetung lapen BJP pen ticket kehang dun Dinesh Timung pen danglok bang 11 ticket kehang atum angbong pen inut aphan independent pathur dunji puta alanglitum ther. Halapu Congress pen ticket kelong dunde Bijoy Tisso abetung atumta laso abetung along nangcherap dunji pusi alanglitum pherangke angno chethan.
Halapu Dokmoka BJP asaihem alongta ke-ongdung BJP klembang atum ning kangsamse lapen ning kipung chepaklangsi saihem arlo kedo table, chair, fan lapen banner poster heihui ingsek lap pusi birta rip dun long.

Leave a Reply

Your email address will not be published. Required fields are marked *

JOIN MATHS MANIA

Here we have provided VEDIC MATHS Course.

Benefits of Vedic Maths:

 

  1. Saves time in Exams.
  2. Accurate answers without mistakes.
  3. An Ancient System for fast & easy calculation in modern time.
  4. Get answer 10 time faster.
  5. ‘+’, ‘–’, ‘X’, ‘÷’, HCF, LCM, Ö, 3Ö, all in 5 seconds.
  6. Very useful for Competitive Exam.

 

Ø Here we have Provided Complimentary part of your brain & make your life healthy.

Ø Classes will start from 2nd January 2016 (Saturday & Sunday only)

VI to No age limit.

 

Branch office: Near Govt. Boys' School field, Diphu.

Contact No.: 7035113236

- ADVERTISEMENT -

May 2017
M T W T F S S
« Apr    
1234567
891011121314
15161718192021
22232425262728
293031  
Archives