ADVERTISEMENT

This area is available for advertisement. Please contact for details.

Arnivang
Get Adobe Flash player

ICJ pen kapajutsi lamtoi pangdak de tik Pakistan atum Jadhav aphan kokthat pi longle

New Delhi, Aru 18: International Court of Justice (ICJ) pen kapajutsi lamtoi pangdak de tik ke Pakistan atum Kulbhushan Jadhav aphan kokthat pi longle pusi hukum kipi. Kulbhushan Jadhav joi-joi pen Pakistan along ritarlip pen India sorkar abe kidun pu akoi pisi Millitary Court pen Jadhav aphan kokthat kipiji aphan cheparai. Seta ICJ kangsai ahem along kapajutsi a-lamtoi  pipe tik mate Paipai achiklo aprang ke kokthat pi longle pusi ICJ President Judge Ronny Abraham kapangdak.
Jadhav aphan Pakistan arideng pen kapajok ji aphan ardi dojot pen bor-i bom lo lapu ICJ pen kacheparai aphuthak External Affairs Minister Sushma Swaraj pen kachoro pajir. Non Pakistan atum kachobai lapen ICJ along India si kehai pu angthek klang dak lo puta than. ICJ kangsai ahem along Harish Salve pensi Jadhav a case aphuthak karjap dun lapen bangso anam sika isi vetsi en chot.

Leave a Reply

Your email address will not be published. Required fields are marked *

Archives