ADVERTISEMENT

This area is available for advertisement. Please contact for details.

Arnivang
Get Adobe Flash player

Ratchari asong atum akaprek akhei aphan ticket pilongle: Kethom ahamphang

UntitledKheroni, Aru 16: State election commissioner kapangdak nangkeleji Vosik niphai 12 arni KAAC kilik arni hot det aphi Karbi Anglong along kedo-an ratchari asong atum bangphu kapathur dunji aphan chedong charkan lo. People Party pen akaprek  madu ratchari asong atumta birta ketok apor ahut anke bangphu amen kapangdak avelang. Setame ajahak constituency along Karbi pen akaprek akhei atum aphan kapathur dunji pu alam kachethang plup ajoine ajahak hamphang asong atum laso aphuthak khamkhesi ning kangsamse chepaklang. Lasonsi pini West Karbi Anglong District kaparlo Karbi Lammet Amei (KLA) Kheroni aro, KSA Hamren aro lapen Longri Krehini Sar Habe Amei (LKSHA) atumta laso aphuthak khamkhesi ning kangsamse alam pherangke amai along chepaklang. Jongsi Karbi Anglong ratchari asong atum akaprek akhei atum aphan ticket kipi along jongsi kopine akisung dokok pulote lake district song ameiphu atumsi kechokche inghor nangpo. Non ephong KAAC kilik ahut ratchari asong atum akaprek akhei atum aphan pathur dun longle detji aphansi pachinilo puta pherangke amai along ther.

Leave a Reply

Your email address will not be published. Required fields are marked *

Archives