ADVERTISEMENT

This area is available for advertisement. Please contact for details.

Arnivang
Get Adobe Flash player

Railway ahor along inut kithitang arpum kelong

UntitledDiphu, Aru 15: Diphu Police Station angkang Chirikangnep along todap porphai 6 apor malom railway ahor along inut kithitang arpum kelong.
Birta kirip atengke, Guwahati arongsopi pen nang kebar Nagaland Express a train pensi bangso amonit keklo long tahaiji pusi honthe. Kithitang arpum theklongsi tongsekot pen Chirikangnep VDP Khoyasing Ingti pen railway achokomar atum aphan abirta pale. Laso ateng adim along paledamsi kithitang arpum Purna Bahadur Chetri pusi pangthek long. Alangli Arunachal Pradesh Tezu alongri Telluliang asor lapen alangli Central School for Tibetans, Tezu alongsi sai chongdat dunbom pusi ID card pen pangthek long. Purna Bahadur Chetri aphan komane ot langno atumsi ingdoi phit tahaiji pusi railway achokomar atum honthe. Adon arap atum aphan birta pachini lo seta phone kelongledet ajok posmorterm aphan DCH along pon detlo puta railway achokomar atum pen pherangke aphan pachini.

Leave a Reply

Your email address will not be published. Required fields are marked *

Archives