ADVERTISEMENT

This area is available for advertisement. Please contact for details.

Arnivang
Get Adobe Flash player

OBOR aphuthak India aseh kachepathe dun aphuthak China lamvoi kipithu

Beijing, Aru 15: China adet pen kachepatirpi “One Belt One Road” (OBOR) asai kedeng along somindar adet adang tovar kapacheleng thorji pu akemang along India aphan kepho pon lok ajok aseh kachepathe dun. Pakistan Occupied Kashmir (POK) ahavar pen hat put China-Pakistan Economic Corridor (CPEC) kasemar ke India-Pakistan atum kachephover kashmir alamki along nang kachejok dun pusi India kipu. Jongsi somindar adet adang kacherap lokji aphan pu akemang pen kachelengthor atovar kaselamji China aning hang pute kechengsi International norms ateng, chehoman pet atengsi dam nangji lapen madu akhei aphan kapasiksak angthek keklang do pulote laso a project ke klem ington kok si akeme pusi India kipu. Seta China atum arjujesi “One Belt One Road” asai kedeng along somindar adet do-an ta nang chekroi dun etsi dolo lapen CPEC kasemar ke Kashmir alamki along thangta kacherap ave athe lake India-Pakistan atum ingsamjin kachingki pensi chun-un chotji pusi China Ministry of External Affairs kaningje pusi birta kapachetak.

Leave a Reply

Your email address will not be published. Required fields are marked *

Archives