ADVERTISEMENT

This area is available for advertisement. Please contact for details.

Arnivang
Get Adobe Flash player

TMC atum ahir ingtangkring Bithung Rengthama angkang bike kapachejeng

UntitledDiphu, Aru 14: Karbi Anglong Autonomous Council kilik non kevangji Vosik 12 arni vote kejokji aphan pangdak det aphi ratchari asong atum vote kehang lapen kilik kapachethang asai penang chiting rinti lo.
Lason ahut pini Bithung Rengthama Constituency angkang Dongkamukam along Trinamool Congress atum hum pharo sose bike pachejengsi Kangbura Hanse apharman kilik pachethangpi lo.
Trinamol Congress pen kilik kachedan dunji abangphu Kambura Hanse amethang amat jalinsi kilik kapachethang bike kachepachejeng asai mesen pachun lo.
Bike pachejeng det aphi malom aphan mai ingni, mai along ongdung Trinamol Congress aphan kekroi arat atum cheto dun. Mai along kilik kachedan dunji abangphu Kambura Hanse kejai ke, Bithung Rengthama a constituency arlo kedo longle a Patta kave lang arat do-an aphan neli jong haidet lapen kachari along do dun long pulote longle patta pi-etji.
Kachingthur avarsai kedo-an rat pen chorappetji puta mai along Kambura Hanse jai. Hanse asangho pen non kikhibom KAAC CEM Tuliram Ronghang aphang sorsar, laso ahut alangli kejai ke, ningkan CEM mandet aphita rat atum longle patta kelongji ke heloving alam lo. Chief Minister kevangji ahut Karbi Anglong ke Assam pen chekakke pu Tuliram Ronghang kaningje alam aphuthakta Hanse asangho lamthe kejai ahut pinpur.
Karbi Anglong arat atum Assam pen kachekakji aphan ajoinesi lapu-an ajir kidding kachesong asai deng lo. Laso ateng nonputa Karbi Anglong arat atum hemprek kelongji aphan ningthe klongsi dolang puta Hanse sangho jai.
Neli jongsi kilik haidet pulote longle a patta kipi asaisi klem paprangji. Lasi kado kave asai do-an kacherapji aphan pini amai along Kambura Hanse choningri.

Leave a Reply

Your email address will not be published. Required fields are marked *

Archives