ADVERTISEMENT

This area is available for advertisement. Please contact for details.

Arnivang
Get Adobe Flash player

HSDC-Congress atum Aru 17 arni ticket pangdak po

UntitledDiphu, Aru 14: Atumi Guwahati along HSDC lapen Congress angbong inghoi kachethak aphan kachingvai mesen kalidet seta pini Diphu along HSDC pen Congress atum amethang methang asaihem chingvai chingsai thusi penang an alam chepakeng kachekroiji angring anatsi puthot chirui angring do pusi birta long dun.
Pini Aru 14 arnikangsam an birta kelong dun atengke, pini kachingvai along kachekroi atengsi penap Aru 15 arni MP Biren Sing Ingti Guwahati an palesi kado kave alam APCC atum aphan pachini damji puta birta long dun.
Inghoi kachethak along kachekroi ateng Lumbajong, Singhason lapen Korkanthi constituency ke HSDC aphan kepekji aphan chekroi lo pusi Aru 14 aningve birta long dun.
Lason thakthaksi kaprek kaprek adim alongta ratchari asong hini angbong kachekroi asonsi dolo puta birta long dun. Kado kave kachekroi ateng non kevangji Aru 17 arni HSDC lapen Congress atumta ticket pangdakpo puta birta long dun.
Birta ketok apor ahut anke kedolang 23 a constituency along kosonsi kachethak mate kachepek ma klardak birta longle lang.
Pini Aru 14 arni ajahak abirta aloh along HSDC pen Congress angbong inghoi kachethak kachetonte alam keklang ajok HSDC lapen Congress arat atum aning oi-rui asonsi theklong.
Lasi koso asong konat a constituency lapen komat abangphu konat a constituency along ticket kelongjima non kevangji Aru 17 arni ticket kapangdak ahutsi klangdak po.

Leave a Reply

Your email address will not be published. Required fields are marked *

Archives