ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik kapangdak aphuthak KAAC kedeng

Non MAC kilik ahut netum madu pen chelangle, BJP detsi thurvetji: CEM Tuliram Ronghang

Tuliram Ronghang CEM KAAC ThekarDiphu, Aru 11: Pini anerlo porphai 12 malom Assam state Election Commission pen Karbi Anglong Autonomous Council kilik alam pangdak det aphi pherangke adilung atum CEM Tuliram Ronghang aphan chihut chiput dam.
Kedamtang KAAC kachari apor pangdangde aprangta netum ke apor Matijong kalite Arkoi achiklo angbong kilik kapadoji aphan state election commission atum aphan choningri dam lo. Seta akisung kedokok ajoine kilik pado thekthesi chiklo jontrok aphan padang lo. Laso ahut ajahak atum pen HC along lamhoi pi dam lo, laso ateng HC lamrai pisi kapangdang apor ateng kilik pado nangji pulo. Laso ateng pini state election commission pen KAAC kilik arni lapen apor kapangdak netum ning aklong pen chekroi dun lo pusi KAAC CEM ningje.
KAAC kaparlo MAC constituency 26 along kahumri lapen kelangchari pen kathek long ateng non aphong MAC kilik ahut constituency 26 alongta BJP kehai etjisi angring kedo. Lasi non kevangjita BJP atumsi council chari po puta CEM Tuliram Ronghang jai.
Non kevangji MAC kilik ahut BJP asong atum amethang detsi kilik chedan dunji madu a regional party atum penta chelangle puta CEM ningje. 
Pinpurme, state election pen pini kapangdak atengke, Vosik 12 arni MAC kilik vote jokpo lapen Vosik 17 arni kilik angthek kapaklangji aphan kejoktang a vote lakha po.

Leave a Reply

Your email address will not be published. Required fields are marked *

Archives