ADVERTISEMENT

This area is available for advertisement. Please contact for details.

Arnivang
Get Adobe Flash player

BJP abarim bang 17 atum ticket apharman high command aphan pinpur alo kapajir

Diphu, Aru 10: KAAC MAC kilik apharman  BJP pen ticket kehang dun aphai penang an batlo. Delhi, Dispur lapen Diphu along kechari kangtangkring BJP asong pen non ephong KAAC kilik ahut aban akimi pangrum pet constituency along bang pharo hini sose atum ticket apharman kachoningri alo chojok dun rentilo setame laso angbong komat aphantong high command atum kangvai pone lake non prapjin pen paklangpo. Aban akimi angbong ticket kachithi pu alam arlo arlo pen birta longdun seta  laso angbong penang an akimi atumke ticket kapherai dunplutji angring thetan laso ajoine ajahak kachichini lor atumke songve pen karjap dunji aphanta chisik dingdanglo. Lasonsi abarim ahin penta bang 16 atumke ticket longvek nangji pu kemang alam birta rip dunlong. Abarim a BJP bang 16 atum isi abutung chesomarsi ticket nangpi nangji pu ajoine pini BJP high command atum aphan chetong dam pusi birta longdun. Kachetong  dam atumke Chinthong constituency pen Longsing Teron, Socheng pen Rotan Ingleng, Duaramla pen Ajoy Timung, Amri pen Jiten Puma, Amreng pen Romesh Chouhan, Deopani pen Meghnath Tati, Borjan pen Dorsing Ingti, Nilip pen Jengtas Taro, Singhason pen Ramsing Bey, Lumbajong pen Saradhon Ghose, Kapili pen Rensing Ronghang, Dhansiri pen Krishna Bhatarai Chetry, Langpher pen Rupsing Teron, Phuloni pen Joysing Ingti, Mahamaya pen Saratsing Teron, Namati pen Debojit Phangcho lapen Socheng Dhenta pen Bidyasing Ingleng atum henlo. Alanglitum kedamtang 2012 MAC kilik ahut pensi BJP along keklem kedam kachepaduk atumlo lasi non 2017 aningkan abangke  bang 17 angbong pen bang 6 aphanke aling penta ticket pi nangji pu high command aphan kachetong dam ahut pinpur alo pajir puta birta longdun.

Leave a Reply

Your email address will not be published. Required fields are marked *

Archives