ADVERTISEMENT

This area is available for advertisement. Please contact for details.

Arnivang
Get Adobe Flash player

Assam along ‘Adhar Card’ ke-enji aphan cabinet kacheparai

Diphu, Aru 9: Det adang kaprek kaprek state along penang an ajirkiding pen ‘Adhar Card’ akenang do bom lo. Seta Assam arlo AASU alamdon ateng NRC asai kedobom lapen kaprek kaprek hamphang asong atum kachesong bom ajoinesi Adhar Card akenang pave det lo. Seta det adang along bank account kangpu, Gas ke-enji aphan amen kachethap, PAN Card kaselam heihui pen chenglok asontin alongta Adhar Card akenang kethepik ajoine pini Assam Cabinet along Assam arlota Adhar card ke-enji aphan cheparai lo.
Adhar Card keron asai kelangchariji aphan pini cabinet mai along amat isi amei (committee) ta seng lo. Pini Cabinet amai along keseng amei atumsi Assam arlo Adhar card kappa-enji lapen keron asai along lang chari dunpo.  

Leave a Reply

Your email address will not be published. Required fields are marked *

Archives