ADVERTISEMENT

This area is available for advertisement. Please contact for details.

Arnivang
Get Adobe Flash player

Aronre hor kejor atum prapjin pen pangton nang po: KYO

Diphu, Aru 8: Karbi Anglong district angkang kaprek-kaprek adim along aronre hor kejor ington serak nangpo, athe lapuson keklem ke Excise rule act ateng aron karkan binong lo. Hamphang kanahok kethepik ajoine kelangmesen Karbi Anglong a choki-chokam ahin kapatora asonsi man lo.
Excise asaikam pen kipi a license ave pulote dhaba, hotel along ta hor kejor ington nang po. Athe laso ajoine pen Karbi Anglong Autonomous Council a medu aphan kanahok thetan pusi KYO pachethang chunbang Agustine Terang pen rap pachethang chunbang Alon Terang atum pachetak.
License kedo hor kejor akulat atum ta Assam Excise Rule 1945 along kedo rule 241 lapen 5.10 ateng kroisi Assam along hor kijun long aphan arta kapathik ateng arta 21 kepleng atum aphansi hor jor chot nangji. Hor akulat ahemphu atum school kalite college uniform kachingthang atum aphan ke hor jor dunde det nangji puta KYO atum jong pusi KYO pachethang chunbang Agustine Terang pen rap pachethang chunbang Alon Terang atum birta pachetak.
Hor kijun arta kalidet lang atum aphan anparta loh kacharli bom a osomar atum aphan ta hor kejor varet ajoine ove kimi atum aphan pijo-pijo pen kanahok nang do bom lo. Lasi lahai along kachere lapen kekhang dun akenangsot.

One Response to Aronre hor kejor atum prapjin pen pangton nang po: KYO

  • Laso asai k, mepik alamlo hor k jor licence do ave alam kali neli jong jung kachini k elitum karbi akhei laso ahor kirim pakom ke te akhei amat ajat asai amo ta chingthur dun thekthe,lata elitum akhai kachingthur ji aphan arambeng ramphan atikuk temang ahormu binong pusi matha .

Leave a Reply

Your email address will not be published. Required fields are marked *

Archives