ADVERTISEMENT

This area is available for advertisement. Please contact for details.

Arnivang
Get Adobe Flash player

Ajahak Congress MLA atum BJP kidunji angring

Guwahati, Aru 8: Assam along BJP kachari ningkan isi kepleng podok dok apor ahut ajahak Congress  MLA atum jakong (power) kelongji aphan pura song aron-atang arkansi BJP along kachevar dunji aphan alam klangbom lo. Laso angbong chief minister barim Tarun Gogoi asopo MP Gaurav Gogoi ta kachingbe dunji aphan amen klangdunlo pusi isi angthor pen birta longdun. Ratchari alongklam along arlo-arlo pen lahai alam klangbom lo putra birta rip dun long. BJP along inut asongja Subramanium Swami alangli social media pen lahai alam pangdak. CM barim Tarun Gogoi asopo BJP along kachingbe dunji pu birta chobai chethang lo. Lasonsi facebook along ta todap adap porphai 10 apor time line along ke post aphi laso alam aphuthak chethanpre lo. Halapu dhorom alam pen Gaurav Gogoi achor alam penta penang an chethanpre. BJP along chingbe dundet aphi Gaurav Gogoi achor Christian adhorom pen romre det po ma puta ke post along pangdak. 
Laso alam ahok kali pachobai pusi halapu Gaurav Gogoi ningje. Pini arnikangsam porphai 1 apor twitter along Gaurav Gogoi kaningje ke BJP asongja atum lahaike ahokhe abirtasi kapachethang.
BJP RSS kapavir ajutang aphuthak kachesongji aphansi neli kelem asai ansose pangtang lo lapen Congress along neli ke Arjun Krishna jirpo kacheme asonsi doji.

Leave a Reply

Your email address will not be published. Required fields are marked *

Archives