ADVERTISEMENT

This area is available for advertisement. Please contact for details.

Arnivang
Get Adobe Flash player

West Karbi Anglong tovar kaheno alam jut un-eh pleng un-eh

Prapjin pen tovar kaselam nangji aphuthak KSA atum kachesong

UntitledDiphu, Aru 5: Aningkan aningkan damdet aphita West Karbi Anglong district tovar kaheno kachikimo alam pini arni anta jut un-eh lang. West karbi Anglong tovar kaheno abangke isi ajutang asonsi paman detlo. Kedamtang arni rat ajakong mate rat kacherap kacheto dun pen minister pen danglok MLA, CEM EM anta paman dunlo setame West Karbi Anglong atovar aphan pini arni anta ardi kipipe lapen kasomarme det abangke rat atumta cherap cheto dun nak asonlo. Pai pateng ativi ason kapinchong bangso atovar akrong alongsi Wets Karbi Anglong lakh lakh amuluk atumke arnivangsi kisung keboi angbong pensi cheleng nangbomlo. Tumpreng pen chenglok Hamren kacheleng akrong lapen Boithalangso pen halapu Omsowai anparta Jengkha Kheroni pen danglok Zirikindeng kacheleng atovarke gari anta kacheleng chetorok anlo. Jasemet petke rat atum keso-ki-un-eh ahut se kacheleng aphan kachepon kachevan akisung chechak nanglo. Keso ketan ahut tovar kaheno apor ateng pen se kelang ahem along kepale tong thekthe apran kedam nang atumta dolo. School kecharli osomar atum aphanta penang an akatora dolo halapu beha bepar choki chokam aphan kedam kevang abangke chethan jokplotlo. Jo padap arni rat atum lapuson akisung kepho nang aphita amethang jung jung aphan akhi adat kachepangcho chari asongja atum kelangding lapen thangnat ardi kipipe det ajok Aru niphai 4 arni  Kheroni along west Karbi Anglong Karbi Student Association (KSA) atum chesong. Langmepi Zirikindeng, Kandong, Thenglong, Jengkro lapen Langmepi amang KSA aro atum chingrum pet pen patirpisi prapjoin pen Kheroni pen Zirikindeng adak tovar somar nangji pusi kachesong ahut hang.

Leave a Reply

Your email address will not be published. Required fields are marked *

Archives