ADVERTISEMENT

This area is available for advertisement. Please contact for details.

Arnivang
Get Adobe Flash player

Temon arve kethe pen Deopani ahavar pasamphri dang, inut kithi

Kephovek ahemsor aphan Sika lakh pli pen areng keso atum aphan inut along Sika 4300 atangka kapanong

UntitledDiphu, Aru 5: Assam alongri kaprek kaprek asanchom along temon, arve kethe lapen herai keklo ajok ahem arit kanahok lapen kithi kejang anparta areng keso atum dolo. Labangso amongve Karbi Anglong Bokajan sub division alongta jap ponlo. Bokajan sub division kaparlo Deopani Nilip pen chenglok ke-ongdung ahavar arlo Aru niphai 4 arni ajo apor malom men men temon herai arve kethe ajok pharo pharo ahem arit kanahok pen danglok inut Mohon Sasmi pu abangphu kopai kelangno dun ajok apran damnanglo lapen areng keso atumta dopiklo. Halapu jon 10 kapangreng marat apita apran damlo pusi birta longdun. Ghanta isi sose temon kejap kethe ahut hem rit kanahok det kali biri bithung along kacho-eh thengpi thengprang kanahok Untitledanparta along pen along me rihing anujok kekrep pen arihing kedak ajoine non anta chethor long vangve detlo. Ahem arit kanahok pi-et ajok kachepachong athai kave laso aningveke lapu amatsi chechak nanglun langlo.
Kisung kepho atum aphan nonke basti along chepachong aboha thik pilo, bang 1700 kisung kepho atum aphan tongsekot kacheharjak thekji aphan ason ason kerap pilo pusi birta longdun laso angbong pen areng keso atum aphan inut nut along sika 4300 atangka kerap pajirlo. Anparta apran kedamjui aphan sika 4 lakh pajirlo pusi birta longdun.

Leave a Reply

Your email address will not be published. Required fields are marked *

Archives