ADVERTISEMENT

This area is available for advertisement. Please contact for details.

Arnivang
Get Adobe Flash player

Ahokhe tangka kaselam a Machine pen pen Sika lakh 4.2 atangka kenep long

UntitledDiphu, Aru 4: Hamren Police station angkang West Karbi Anglong arongsopi Hamren along amat ahokhe atangka kaselam a machine lapen ahokhe atangka Sika Lakh 4.2 atangka kenep long, laso angbong pen ongdung ke Sika 2,000 alo.
Hamren Police adilung atum joijoi pen birta kelong ateng Harlongjubi arong along kiri katarlip asai deng lo. Laso ahut rong along ahokhe atangka kaselam a machine lapen tangka kaselamji aphan kasapape lang aloh ta ajahak longlo.
Laso asai along kacherap dun banghini Bajong Timung lapen Bidyaram Terang atum aphan nep ingnang longlo.
Sub-Inspector Nilotpal Deka kejalin police atum atum kiritarlip asai keklem ahutsi banghini aphan nep long lo lapen ahokhe atangka Sika lakh 4.2 tangka nep longlo. Laso angbong pen ongdung ke Sika 2,000 aloh lapen kedolang anke Sika 500 lapen Sika 100 alo si longlo. Kachingnang chek banghini atum a phant cho-en dun pen tangka kelar asai alongta cherap dun.
Laso aphuthak tarlip lo lapen aphi ahokhe atangka kelong aphuthak Income Tax department atum aphan pachini lo.

Leave a Reply

Your email address will not be published. Required fields are marked *

Archives