ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 66 North Cachar Hills Autonomous Council amahang kethek arni katalon

UntitledDiphu, Jangmi 29: Pini District Library Auditorium Hall along ingdeng 66 North Cachar Hills Autonomous Council amahang kethek arni talon.
Mai along alohi sarpo aman pen MLA B. B. Hagjer alohi sarpo aman pen chetong dun. Dima Hasao a Deputy Commissioner Ranjit Hazarika manpeng alohi aman pen chetong dun. Chairperson Ranu Langthasa, CEM Debolal Gorlosa lapen Samuel Changsan, anparta Amendu Hojai atumta chetong dun.
EM Samuel Changsan pen mai along kachetong dun alohi lapen Dima Hasao angkang kedo rong asar do-an atum aphan kedeng alamthe jai. Alangli kejai NCHAC EC atum kaike ta district kapachingthurji aphan klem lo lapen laso along State lapen central government atumta nang kacherap dunji aphansi chisik ding lo.
CEM Debolal Gorlosa kejai ke, India a constitution along kedo Sixth schedule ahavar along kedo methang Autonomous Council dokok aphita Dima Hasao arat atum kachingthur the det aphuthak alangli ningduk chepaklang. Kachingthur asai aphan neli matha-ehji lapen kachingthur aphan neli un-an klemji pusi alangli jai. Lapuson non Dima Hasao arat kisung nang aret ke kedamtang asongja atum kematha kapale dam thekthe ajoine lo seta non kevangji arni pen ke Dima Hasao along kachingthur lapen kachelar thek longpo puta CEM Debolal Gorlosa mai along jai.

Leave a Reply

Your email address will not be published. Required fields are marked *

April 2017
M T W T F S S
« Mar   May »
 12
3456789
10111213141516
17181920212223
24252627282930
Archives