ADVERTISEMENT

This area is available for advertisement. Please contact for details.

Arnivang
Get Adobe Flash player

Clean Karbi Anglong Mission athepi pen SGB, GB atum aphan Shikdamakha kapalang dam

UntitledDiphu, Matijong 7: Karbi Anglong alongri adangpi hithi kulat pen danglok rongsopi lapen rongso rongbot malom anta ingthirjir pen do nangji pu akemang pen clean Karbi Anglong Mission mate Swatch Bharat Mission athepi ensi KAAC Principal Secretary Joyshree Daulagaphu patirpisi Diphu arongsopi pen danglok kaprek kaprek hithi kulat lapen rongso rongbot along humri damsi kosonsi kangthirjir pen kedo-kethak nangjima aphuthak rong arat atum aphan cherok asai deng dam bomlo. Lasonsi pini Principal Secretary Joyshree Daulagaphu kapinkhat ateng pen sorkari rong asar pen rong asar atum aphan pangrumsi Assam angkangpi pen kangthir nai adim mate keklar nai arong Karbi Anglong district Amri Constituency kaparlo Shikdamakha pu arong along kapaklang damji aphan toilo. Laso atengsi pini adap apor KAAC athekup pen bar pangcheng. Principal Secretary kangpu pidun bangso SGB, GB atum aphan kapaklang damji aphan Diphu Town Committee Engineer pen PHE Sanitary atumsi jalin.
Swatch Bharat Mission athepi ensi Clean Karbi Anglong Mission pu akemang pen arnisi Karbi Anglong alongri setame kangthirnai lapen keklarnai alongri pacheman dunthekji aphansi kabor-i. Lasi Shikdamakha along ason kaprek kaprek adim alongta kangthirjir mate klarchen pen kedo kethak thekji aphansi pini SGB lapen GB atum aphan palang damlo.

Leave a Reply

Your email address will not be published. Required fields are marked *

December 2016
M T W T F S S
« Nov   Jan »
 1234
567891011
12131415161718
19202122232425
262728293031  
Archives