ADVERTISEMENT

This area is available for advertisement. Please contact for details.

Arnivang
Get Adobe Flash player

J. Daimary kechengsi Howraghat Sub division a SDO keman

Hawraghat Sub division kangpu

Untitled Diphu, Thangthang 28: Pini Bhomkuru arni akimi sub division kangpu amai paman. Karbi Anglong Deputy Commissioner Mukul Gogoi kachepahemphu amai along Assam HAD Minister Khorsing Ingti, Karbi Anglong Autonomous Council CEM Tuliram Ronghang lapen Kache Rongpipi, Alice Ingtipi, Bidyasing Rongpi, Jivan ch. Pathak, Premola Beypi, Ashok Teron, Mangalsing Timung, Sarat Brahma heihui KAAC E M anparta Debojit Deori atum mai along chetong dun.
Akimi Howraghat civil sub division kapalangchariji aphan pusi Joytima Daimary aphan SDO (CiviL) arpu pek lo. Pinpurme, Howraghat sub-divison arlo kado kave MAC Constituency Howraghat, Langpher, Langhin, Mahamaya, Korkhanthi, Nomati, Phulani lapen Rongmongve heihui ke Howraghat sub division si parlopo.
Mai along alohi sarpo aman pen kachetong dun HAD Minister Khorsing Ingti kejai ke,  Sub divisional office kikimji aphan chiri 100 alongle adang nangji seta Howraghat angkang non amat lapuson alongle thek longle, lasi saihem kim thekthe ako sai do-an keklemji aphan Howraghat PWD I B si sub divisional office pinchong nangkok lo pusi HAD Minister Khorsing Ingti jai.
Halapu Karbi Anglong Autonomous Council Chief executive Member Tuliram Ronghang pen lamthe kejai ke, kedamtang ASDC atum kachari ahut Karbi Anglong arlo lapuson kachingthur theklongle. Seta non Congress atum KAAC along kachari ajakong kelong pen ongdung kachingthur asai theklong lo.
Kangpu amai along Hawraghat Sub division apharman HAD minister Khorsing Ingti lapen Karbi Anglong Autonomous Council CEM Tuliram Ronghang atum arideng pen long-eh som lo. Sai keklem kemesenji aphan rat akerap nangji pusi akimi Civil SDO, Jaytimai Daimary  pen choningri. Mai along kachetong dun Dr Mansing Rongpi penta mai along ardi dojot alamthe jai.

Leave a Reply

Your email address will not be published. Required fields are marked *

February 2016
M T W T F S S
« Jan   Mar »
1234567
891011121314
15161718192021
22232425262728
29  
Archives