ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 3 Lokhimon Riso-Ejang krungchingsai amai kangni

Diphu, Matijong 30: Lokhimon Sangha Pli Dovan Longri Riso Ejang Chingrum Amei (LSPDLRECA) patirpisi Langso-liet Lokhimon Adovan along Ingdeng 3 Riso Ejang Krungchingsai Amai ingni.
LSPDLRECA ameiphu Prakash Terang kachepahemphu amai along chunbang Sonjoy Teron mai kepha alamthe jai. Mai along alohi sarpo aman pen Lokhimon Sangha tirpi ameiphu Boloram Phangcho chetong dun. Man-peng alohi pen Lokhimon Sangha tiripi dun-meiphu Biren Timung chetong dun. Anparta Riso-Ejang Chingrum Amei ameiphu Gandhiram Timung, So-arlo Chingri Amei dun-meiphi Chandan Tissopi, LMCC ameiphu Dhansing Kramsa, KSYC sankur chunbang Johny Timung, SGB Kehai Hanse, GB Longki Hanse atum pen chenglok ongdung kethe-kiding atum chetong dun.
Pinpurme, kedamtang Matijong achiklo 28 arni pen Ingdeng 3 Riso Ejang Krung Chingsai Amei amai pangchengsi Matijong 29 arni pajut lo.
Bangso amai along Karbi apindeng-sumpot, kardom-karcho, kedo-kethak pen kachepangthir lapen loh charli amo heihui aphuthak arsik-krung pen chingvai lapen anparta Lokhimon ariso-ejang atum methang apindeng-sumpot aron ateng pensi chingthang nangji lapen methang adhorom aporom-pothi pen ansose angsong angdeng kapachethang dun thekji aphan mai along chethan lapen Lokhimon adhorom ariso-ejang atum Kususar Lokhon lapen Hemphu Lokhimon akai alamo anparta Lokhimon aron atang pachini nangji akenangsot thepik pusi mai along kachetong dun alohi atum pen chethan-chemum.
Bangso amai along kachetong dun ahin-ahin adovan tin ariso-ejang atum chisikse pin pen arnam alam kejai kachepate bi. Kachepate along kechengsi anong-eh Bokolia Bahini adorsa Adovan, adunthu anong-eh Diphu Inglongchingri Adovan lapen kethom angdeng Dokmoka Mahamaya Adovan atumsi kelong. Anparta, arnam alun-kan chepate asai along kechengsi anong-eh Howraghat Adovan, adunthu Dengjirlangso Adovan lapen kethom angdeng Langso-liet Adovan atum long dun. Aphi arnikangsam lun-kan amalin Lokhimon Sangha Tiripi jutang chunbang Hamdoi Terang arideng pen ingpu lo.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives