ADVERTISEMENT

This area is available for advertisement. Please contact for details.

Arnivang
Get Adobe Flash player

SYDC mahang kethek arni katalon

Untitled Diphu, Matijong 28: Matijong 17 arni adap porphai 10:30 apor Rongmongve Kat Teron arong L.P School ahem along Socheng Youth Development Committee (SYDC) mahang kethek arni talon.
Bu Ronghang kachepahemphu amai along SYDC sankur chunbang Kamson Phangcho si mai kepha alamthe kejai. Mai along doctor, SGB, GB atum pen chenglok ongdung man kedo atum chetong dun.
Mai along SYDC akemang aphuthak klardak pen rat athengno SYDC ameiphu K. Tokbi than. Sonsi rat akiduk kisung nangkok ke KAAC kachari a Congress (I) kethe-kiding atum kechokche ajok lo pusi akoi pi. Bangso ahavar along kelang pachingbarbe. Kijun alang pen chenglok tovar, dolong, heihui anta ketangtesi ke-ong lang lapen Block asor atum pen nonpu ta ta thang asai kedeng thek longle. Lasi lahai akisung kedo nangkok aphuthak SYDC atum pen mai along ningduk chepaklang.
Mai along SYDC atum pen ongdung arat atum aphan akejoi pen ok pran (Medical Health Check-Up) kelang asai deng lapen anparta harsun ke-er a chili heihui ta mai along ron pusi SYDC ameiphu K. Tokbi pen sankur chunbang Kamson Phangcho atum pen birta nangpale.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives