ADVERTISEMENT

This area is available for advertisement. Please contact for details.

Arnivang
Get Adobe Flash player

Nilamonisen Deka pen Rupjyoti Kurmi atum amekhi kekai

Untitled Diphu, Matijong 28: India prime minister Narendra Modi pen union minister Smriti Zubin Irani atum aphuthak karju nodak alam kaningje apot BJP-KADC atum ning kipung chepaklangsi pini amethang asaihem athengno Rong Nihang NH-36 atovar along MLA Nilamonisen Deka pen Rupjyoti Kurmi atum amekhi kai.
Atum MLA bang hini atum lapuson karju nodak alam kaningje ke ningduk meme lapen pinrem meme binong. Laso alamthe kaningje ke arlosomar atum aphan anong kejo asai binong.
Prime minister aphuthak lapuson alam kaningje ke Indian democracy aphan kapaphuk asonsi man lo. La-an chot kali HRD a minister aphuthak kaningje ke arlosomar atum aphan aman kipipe lapen kechokche akoi pisi keberji asai puta Bharat Kr. Timung jong.
Lapuson asai langno keklem ke Indian National Congress atum kamatha thekthe asai binong. Kevangji arni alanglitum bang hini lason asai keklem thu haihe det aphan chief minister Tarun Gogoi sodak adai prapjin pen nangji. Jongsi adai en-eh pulote state government kachari Congress atum pen kamatha mek pen kapaklem asai pusi hokdet po. La-an chot kali arlosomar atum kengkam kachejor rappet aphan aning kehanghe lapen Narendra Modi kejalin a government atum pen North East ahavar kapachingthurji aphan keklem along kachekroi dundet pusi hok det po puta BJP-KADC lamjai sarpo Bharat Kr. Timung ningje.
Lahai aphuthak ningduk lapen aning kipung chepaklangsi pini ongdung armu chingrumsi Nilamonisen Deka pen Rupjyoti Kurmi atum amekhi meh kai lo puta pachetak.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives