ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi apharman Karbi Anglong Asha amaipi kangni

Asha atum akisung kapajokji aphan kaiketa nang-arjap dunji: CEM

Untitled Diphu, Matijong 28: District Health Society /NHM patirpisi pini Joysing Doloy Auditorium Hall along kechengsi apharman Karbi Anglong Asha abangphi atum maipi pangni. Karbi Anglong Autonomous Council Principal Secretary Joyshree Daulagaphu kachepahemphi amai along CEM Tuliram Ronghang alohi sarpo aman pen chetong dun KAAC Medical EM Ashok Teron, DC Mukul Gogoi, Joint Director of Health Services Kareng Rongpipi lapen Dr. Borsing Rongpi atum Untitled alohi aman pen chetong dun.
Kedamtang 2006 aningkan pen kachepaduk Asha abangphi atum kechok-kechokche, kelong-kelongle kisung keboi do-an alam inut bang hini Asha abangphi atum mai along chethan.
Kisung ahut monit aphan kerap hen lo kethenai adhorom lapen ning kangsam. Lasi Asha abangphi atum setame monit aphan kerap pen pini arni oso chopathe abangphi atum ta masapso ke akerap long lo. Karbi Anglong along kedamtang 2006 aningkan pen Asha abangphi atum inglong-arlok gari-motor lapen cycle anta kachele un-eh adim along anta pale damsi rat aphan kerap dam ke Asha aphan choro jokje pusi Ashok Teron mai along kachoro pale. Karbi Anglong lakh 10 amuluk aphan ke bang 1000-1200 Asha abangphi atumsi rap bom lo. Chiklo bainong longle pin pen Asha atum ko-an ma kachepaduk, laso ateng pen alanglitum kerap longlelang lapen sorkar atum non amat ke chiklo bainong kipiji aphan kachisikselang, bonta pirthe along kahache lote esonbak ke anutin ta rat apharman kemesen asai klem tekang nangji pu asonsi Asha abangphi atum ta methang arpu methang asai angdeng chichinisi pini bangso amai along nangkacheto dunke choro lo puta EM Teron asangho mai along jai.
Karbi Anglong arlo Asha kave ahut ke penang an akisung do lo, jasemetpet ke oso chopathe abangphi atum aphan akisung thetan dolo, bonta non kedamtang 2006 aningkan pen Asha abangphi atum kedo pen rat akisung arju longle lang. Asha atum kachepaduk ale pini Karbi Anglong arat akerap chelong lo lapen thithe tik ke tengne-ne lo. Lasi kechengsi apharman pini Karbi Anglong Asha amaipi kangni ke Karbi Anglong phurkimo along do po pu CEM Tulirang Ronghang ningjesi Asha akisung Karbi Anglong Autonomus Council pen kerapji aphan un an ke bor-i po lapen nanglitum akisung keboi lapen kemang ason pinpur aloh nangkipi central Govt. along an pale dam po puta CEM chechak.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives