ADVERTISEMENT

This area is available for advertisement. Please contact for details.

Arnivang
Get Adobe Flash player

Sumo ketong pen areng keso abangphi ingbodet

Untitled Bakalia, Matijong 26: Bakalia Colony along kedo inut Ganga Chetry (46) pu abangphi atumi kangbodet ajok colony along hur chodut lo. Birta kelong dun ateng ke atumi adap porphai 8 apor malom Nepali akhei inut osomar bang pho apai Ganga Chetry Tichom arong along gakhir kejor damji aphan kedambom ahut NH-36 tovarpi along ihum AS-24C-1746 Tata Sumo a gari kapatong ajok areng sodak lo. Kapatongvek a Sumo pen amat areng keso abangphi aphan tongsekot seh kelang aphan pura haladak arat atum Bakalia seh kelang ahem toi dunplot lo. Bonta isi kamanghu meme alam abang ke Sumo a driver abang Bakalia police aphan ta than pachinine lapen seh kelang ahem along ta keponpe det ajok areng keso abangphi abang ingbo bin lo. Halapu kangbodet abangphi ahem asor Gopal Chetry lapen arong arat atum labangso abirta karju long pen aprangsi Bakalia police aphan pachini dam lo. Laso aphi Bakalia seh kelang ahem pen chenglok kaprek-kaprek seh kelang ahem along ta birta endam lo seta ahem asor aphan nahok ta chethek dam longle det lo. Bakalia police atum ta kiri chonpro lo. Pini arnikangsam porphai Bakalia Karbi ahithi along keponvek a Sumo a motor police atum longdam lo bonta a driver pen-pen areng keso abangphi atum aphan ke longdamde det lo. A gari abang Hailakandi district Borak ahavar a gari pusi pangthek lo.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives