ADVERTISEMENT

This area is available for advertisement. Please contact for details.

Arnivang
Get Adobe Flash player

Rat akisung kachini amonit aphansi ticket pi nangji

DENARONG, Matijong 26: Hawrathat LA angkang BJP pen komat abangphu/phi si nang keleji MLA kilik ahut ticket kelong dunji ma pusi Hawraghat LA arat chonghong prong lo.
BJP a ticket kelong dun abangphu/phi atum aphan ongdung a vote pen kilik kapahaiji aphansi BJP aphan kekroi arat atum kachisik rinti. Kedamtang MP kilik ahut pen non anta No.18 Hawraghat LA angbong kedo an arong kedo-an BLA, CC lapen Mondal Committee along kahumri kapachetang thek lapen rat kisung kachini abangphu/phi aphansi high command atum ticket pi asonte mesenji pusi Hawraghat LA angkang ongdung BJP aphan kekroi arat atum ningje rinti.
Hawghat LA angkang BJP pen ticket kehang dun atum do pik. Seta Hawraghat avaikang along kedo pen rat akisung-keboi alam kachini abangphu/phi mate local candidate aphansi ticket pi nangji puta ongdung BJP aphan kekroi arat atum pherangke angno ningje thu rinti.
Lasi BJP high command pen Hawraghat LA apharman rat aning kehang a candidate aphan ticket pi thekthe det pulote nang keleji MLA kilik kachepahaiji aphan chepaduk chet nang kok po. Akaprek pen kevang abangphu/phi atum ke Hawraghat arat akisung alam chinine det tahai. Lasi Hawraghat arat aning kehang atengle BJP high command atum ticket pi thekthe det pulote non an sose keklem kachepaduk thuthe pulote kehai chetorok tahaiji.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives