ADVERTISEMENT

This area is available for advertisement. Please contact for details.

Arnivang
Get Adobe Flash player

No. 2 Belbari angkang don 4 ahem puthot ingnar kipri thu

Untitled KHERONI, Matijong 23: West Karbi Anglong kaparlo Kheroni ahavar malom ingnam ingnar ahur hem kipri pen danglok nok, hen, hipi, birik heihui kecho phalangno nonputa ingtonte pin lang. Son thak-thaksi Kheroni Range Forest kaparlo No. 2 Belbari angkang ningve isi vet don 4 ahem puthot ingnam ingnar ahur kipri thu pusi pherangke birta long dun.
Birta atengke kedamtang Matijong 22
aningve porphai 11:30 apor malom Lumding Range Forest a ingnam anathu pen kevang jon 100 sose ingnar ahur No. 2 Belbari arong lut dam paksi Umesh Thakur, Fulchond Chouhan, Sitaram Harijan lapen Kamaykhya Chouhan atum ahem pri dam lap. Laso ahut puru along kethaptang asok anta kecho phalangno tekangsi hem ahormu lapen katikitang nok heihui ta kecho phalangno tekang lo.
Don 4 angbong pen Umesh Thakur pen Kamaykhya Chouhan ahem angton pen phalangno pi tekang thai lo. Birta kirip apor ahut anke Kheroni Range Forest asaikhi atum humri damde lang.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives