ADVERTISEMENT

This area is available for advertisement. Please contact for details.

Arnivang
Get Adobe Flash player

‘Ne Sai’ Karbi alam arjan mohor kenep Longki Timung kangpu

Untitled Diphu, Matijong 22: Kt. Sarbasa Timung chikimo amen pen Kangthur Picture (Dillai) kasonse ‘Ne Sai’ Karbi lam arjan mohor kenepji aphan Karbi Anglong Autonomous Council (KAAC) a EM Longki Timung arideng pen ingpu.
Kangpu amai along EM Longki Timung, rat asai klembang Joysing Timung atum pen chenglok ‘Ne Sai’ alam arjan along kacheparjan abangphu-phi lapen director, editor, cameraman, choreographer heihui atum chetong dun.
Script ketok abang Nobin Rongpi kachepahemphu kangpu amai along EM Longki Timung lamthe kejai ke, kitap ketok pen chot le Untitled lam-ki kapachan unji kali. Lam arjan pen ta lam-ki pachan un. Hindi a cinema kelang pen osomar pen chenglok kesar atum anta Hindi alam charli dun long lo. Lasi ‘Ne Sai’ pu alam arjan pen ta Karbi alam chan po pusi ning chepathe.
La-an chot kali laso alam arjan kaselam kapamesenji lapen laso alam arjan along kacherap dun abangphu-phi do-an atum ta ning kachepaningding pen sai kapachun along kacheto dunverji aphan choningri.
Mai along kachetong dun Joysing Timung ta ‘Ne Sai’ alam arjan kasonse Kangthur Picture atum aphan kachoro pajir. Kaselam kapamesenji lapen laso alam arjan along kacherap dun abangphu-phi do-an atum ta ning kachepaningding pen sai kapachun along kacheto dunji aphan aning pathe.
Alohi atum pen lamthe kejai pajut det aphi EM Timung arideng pen Kt. Sarbasa Timung aphan kachikimo amelur kai lo. Laso aphi narikol panghangsi ‘Ne Sai’ amohor kenepji aphan ingpu lo.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives