ADVERTISEMENT

This area is available for advertisement. Please contact for details.

Arnivang
Get Adobe Flash player

Sildubi PHC amo kevangve

Untitled Jengkha/Kheroni, Matijong 19: Kheroni Police Station angkang Sildubi (Harlongbi) along kedo Public Health Centre (PHC) i/c Dr. Motiyur Rahman methang asai kacheklemkle lapen anparta amo kevangve ajok haladak kedo arat atum ongdung akisung chechak nang lo.
Pherangke kahumri dam ahut PHC a saikhi atum pen nangkethan dun ateng ke chiklo ejon angbong ni 3-4 ansi PHC along doctor vangchot. La-an chot kali, dovai heihui aphuthak nang kapachini dun atengke Kopili parai arat atum aphansi ajat a prescription seta tokdun po dovai amokha roilap titi lapen ladak tebok-terai Karbi Anglong arat atum ke long dundesi ke-ong. Dr. Motiyur Rahman ni 3-4 arni  kevang ahut anchot jima keso ke-un-eh atum kedoji pusi rat atum aning chepathi.
Lason thakthak bangso PHC along asaiklem bangphu MPW Gunindajit Das ta inut lo. Gunindajit Das achiklo kangthim-kangthim hospital along kachevangve, ningkan isi angbong pen ni 20-30 ansi vang chot. Seta sai klemkle pin pen  methang bainong ke achiklo jonvang ta chodeng long. Ravilash Haryan pu inut a chowkidar pen Junali Teropi Ward Girl atum ta methang asai cheklemkle pin puta pherangke aphan pachini rinti. Tangte KAAC along kachari CEM lapen Medical a EM atum lahai asaiphu-saikhi atum aphan lang ding po ma mate sodak pen ingsai haiji ma? Karbi Anglong arlo kedo hamphang asong atum penta bangso aphuthak ingsam dunriji po ma pusi ongdung arat atum arju.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives