Risim pen-peng bang 3 kachingnang

BOKAJAN, Matijong 20: Khatkhati Police Station angkang Borlengri along Matijong 18 arni risim pen-pen bang kethom aphan raikom atum kangnang.
Birta atengke Borlengri ahavar risim abeha keklem atum do pu abirta joi-joi pen rip longsi 155 Bn. CRPF atum Borlengri ahavar kiri kardung dam ahut risim pen-pen bang kethom atum aphan ingnang long. Kachingnang chek abangphu amen Shamvoi Lam asopo Paton Lam (20), Vomoi Lam
asopo Voson Lam (30) lapen Papen Lamou asopo Nokching Lomou (22) pusi pangthek long. Arideng pen .22 pistol-2 pen amu kereng amu mu thom long.
Kenep long abangphu atum aphan Khatkhati police arideng hodai dam kok lo. Birta kirip apor ahut anke kachingnang chek abangphu atum aphan No.129/13US-25(1) a/35 arms act alam pabonsi jail thap thot lo.