ADVERTISEMENT

This area is available for advertisement. Please contact for details.

Arnivang
Get Adobe Flash player

Inut Assam Police ningkan 5 ra chiklo jon 10 a-oso aphan cholangrem det

Untitled Diphu, Matijong 18: Diphu Police Station angkang Agriculture Colony adung Police Reserve along kedo inut ningkan pho ra chiklo jon kep arta a-osopi aphan Matijong 17 arnikangsam inut Assam Police constable cholangrem det.
Kachini dun ateng ke bangso a-oso api-apo atum methang adon atum DCH along keso kachelang along kidun ahutsi lapuson alam kepho. Kepho ahut hem along aphi lapen kisung kepho a osopisi hem kedo.
Halapu adai kedo UBC Bhaskar (Bolindo) Jyoti Kalita (35) laso ahem along anam kipi pensi dodun bom. Seta alangliphan kechak atum asopi aphansi lapuson asai langno klem lo. Pinpurme Bhaskar Jyoti Kalita ahem binong ke Nagaon district angkang Samuguri police station kaparlo Nampani Gaon, Purani Godown alongsi kedo. Ladak Diphu Police Reserve along ningkan isi sose chot anvet lang lapen alangli SP Bangla asaihem alongsi sai klem bom.
Police atum kethan ateng ke Matijong 17 arni arnikangsam porphai 5 pen 7:30 apor malomsi lapuson alam kedo pusi police atum than. Lam kepho ajo amat Diphu Civil Hospital along oso aphan seh nanglang lo. Halapu adai kedo abangphu aphuthak Diphu police station along lamhoi ta pidam. Lamhoi kelong ateng adai kedo Bhaskar Jyoti Kalita aphan police atum nep ingnang lo. Laso aphi pini Matijong 18 arni Bhaskar aphan Diphu Civil Hospital along ponsi DNA lapen finger print test heihui klem lo.
Adai kedo Bhaskar aphan 275/15 US 376 (2) (f) IPC R/W Section 6 of Protection of Children from sexual offence (POCSO) Act 2012 ateng lamhoi pabonsi Court along pon lo. Court pondet aphi UBC Bhaskar Jyoti Kalita aphan District Jail an ponpo pusi police asaikhi atum than.

One Response to Inut Assam Police ningkan 5 ra chiklo jon 10 a-oso aphan cholangrem det

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives