ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi Morning Star Football Academy Premier League Diphu Final kecheng

Untitled Diphu, Matijong 17: Karbi Anglong Morning Star Club pen Karbi Anglong non kithurmi a-ove arta kang-ar a osomar atum aphan kapathu ahin kangthur ponji aphan bor lo. Laso aphuthak pini pen Diphu Govt. Boys Higher Secondary School pathu aklam along kechengsi apharman Karbi Anglong Morning Star Football Academy Premier League Diphu Final pangcheng lo. Pini kechengsi arni Karbi Anglong Morning Star Football Club Untitled ameiphu Sengkan Ronghang lama ingthur lapen alohi aman pen KAAC a EM Rupsing Teron, MAC Jagatsing Ingti pen Kangjang Terang, Amit Sarani lapen ke-ongdung football kapathu ahin kacherap dun abangphu atum chetong dun.
Pini kechengsi arni Phuloni Academy pen Ok Kreng Academy angbongsi pachepho. Arnikangsam porphai 3:15 apor pen kapathu pangchengsi pu-pu Academy atum ball kachethapji aphan bor-i pik lo, bonta ball ipum ta chethap thek vangve.
Ni pho apharman kibiji bangso premier league along kapathu kachedan dunji Academy a terank atum Diphu, Samelangso, Hidipi, Phuloni, Dokmoka, Ulukunchi, Chokihola, Baithalangso, Tarabasa, Hanjanglangso, Khatkhati, Tumpreng, Karkok, Bakalia, Dongkamukam, Borgaon, Dolamara, Jengkha, Hamren lapen Ok kereng. Diphu Govt. College pathu aklam, Govt. Boys Higher Secondary School pathu aklam lapen Lorulangso pathu aklam alongsi pathuji.
Karbi Anglong non kithurmi penang an osomar atum kangri-kangkrang pen hamphang along kaheno atovar anatthusi kengkam chejor bom lo. Lasi kapathu asai angdeng pen halahai osomar atum aphan kosonsi hamphang along isi kemesen atovar kevanjima anparta methang akai lapen det longri apharman inut kemesen abangphu/phi kacheman dunthekji aphansi jasemet pet ke Karbi Anglong Morning Star pen bor-i bom lo pusi Karbi Anglong Morning Star Football Club sankur chunbang Bikram Teron ningje.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives