ADVERTISEMENT

This area is available for advertisement. Please contact for details.

Arnivang
Get Adobe Flash player

NFNS Ghonta 12 kangkir ingsamjin pen kichun

Untitled Diphu, Matijong 16: Hemprek kehang asong do-an atum kachelang asong National Federation for New State (NFNS) atum pen hemprek kapalongji aphan kachesong asai pini Assam pen Tripura state kangkir pha. Assam angkang jasemetpet Karbi Anglong along ingsamjin pen chun lo.
State lapen central government atum pen hemprek kehang asong atum aphan ardi kipipe det lapen lapu-an ajir kiding chesong det aphi ta angthek keme kachelongle det ajok saijokje hemprek kehang asong NFNS atum pen ghonta 12 Assam pen Tripura kangkir pha nangkok lo.
Kangkir kepha ahut Karbi Anglong angkang nahok adim pen ta soluk-sodak abirta longle, hemprek apharman kangkir along ajirding klui pen hemprek aphan amang kaheman bom arat atum chedon dunsi pini akangkir ingsamjin pen pachun lo.
Diphu sub-division angkang rongsopi pen chenglok, Manja, Bakalia, Dokmoka, Howraghat heihui anta ingkir et pusi birta long. Bonta halapu Dhansiri ahithi along kangkir pangtokjai pusi birta long.
Bokajan Sub-division angkang NH-39 along gari-motor cheleng seta ing-arpir hithi-kulut ingkir et pusi birta long. Hamren sub-division angkang hithi-kulat kangkir et asonthot gari-motor ta chelengle pusi birta long.
Gari-motor kachelengle det ajok kedam-kevang atum aphan kasiksak dolo, la-an chot kali saikam atum asai arnisi sang nangkok lo lapen beha keklem atum aphan katora dolo pusi birta long.
Bokajan ahavar gari-motor pen danglok hithi-kulat lapen school-college anta ingkir dun lap seta aphongtin kangkir ahut asonsi Khatkhati pen Garampani Gate adak police escort pen kethon-kevan klem. Birta kirip apor ahut anke nahok penta solok-sodak abirta long dunde.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives