ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 39 All Assam Chess Championship aphan pini amen pachethap lo

Diphu, Matijong 16: Karbi Anglong Chess Association (KACA) atum pen kapatirpi ingdeng 39 All Assam Chess Championship along kachepate dunji aphan Assam angkang kaprek-kaprek adim pen kevang atum pini amen chethap rinti lo.
Karbi Anglong arongsopi Diphu along kedo Diphu Club along kapaman ingdeng 39 All Assam Chess Championship Karbi Anglong Autonomous Council a EM Rupsing Teron arideng pensi Matijong 17 arni adap 10:30 apor ingpu po. Laso along man-peng alohi aman pen Deputy Commissioner Mokul Gogoi, Diphu Superintendent of Police B Deori lapen 8-JAT Regiment Commandent K.Singh atum chetong dunji.
Matijong 17 arni pen kapathu kechengji All Assam Chess Championship along Dibrugarh pen bang 7, Tinsukia pen bang 2, Sivsagar pen bang 3, Charaideo pen bang 4, Jorhat pen bang 3, Golaghat pen bang 4, Nagaon pen bang 2, Guwahati pen bang 1, Barpeta pen bang 4, Mangaldoi pen bang 1, Cachar pen bang 5, Morigaon pen bang 1, Tezpur along pen bang 3, Kamrup (Rural) pen bang 5 lapen Karbi Anglong pen bang 25 atum amen chethapsi kado kave bang 70 abangphu/phi atum amen chethap et lo. La-an chot kali penap kecheng arni nang kapaleji atum ta do-oh lang lapen ajahak a district pen kachepate dunji bangphu atum vangbom lang pusi Karbi Anglong Chess Association (KACA) sankur chunbang Stalyn Ingti pachini.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives