ADVERTISEMENT

This area is available for advertisement. Please contact for details.

Arnivang
Get Adobe Flash player

Hemprek apharman New Delhi along Karbi Anglong pen Dima Hasao Congress kachesong dam

Untitled Diphu, Matijong 14: Karbi Anglong pen Dima Hasao hini alongri arlo kedo Congress abitung atum pini Delhi arongsopi Jantar Mantar along hemprek kangthim apharman kachesong par-om. Karbi Anglong Autonomous Council a CEM Tuliram Ronghang jalinsi Karbi Anglong pen Dima Hasao pangrumpet kado kave bang 1500 sose Congress klembang atum Matijong 11 arni Diphu rongsopi pen barsi pini Delhi arongsopi along kachesong asai ingni dam lo. Karbi Anglong pen Dima Hasao hini inglong alongri aphan hemprek kangthim nangpi nangji pu angdi isi pen kehang kataram ase angtong Delhi arongsopi par-om plup lo. Adap porphai 9 pen arnikangsam porphai 2 ansi laso kachesong asai kedeng pangton. Kachesong bom ahut central government kachari atum aphan pinpur aloh pajir longle det lo seta penapsi hemprek kangthim kehang pinpur alo pajirji pusi birta longdun.
Hemprek apharman kachesong dam asongja atum Deputy Chairman Surya Rongphar, CEM Tuliram Ronghang, MLA Bidyasing Ingleng pen Dr. Mansing Rongpi, EM atum Mongolsing Timung, Ashok Teron, Bidyasing Rongpi, Kache Rongpipi, Pradip Diphusa, Jivan Ch. Pathak, D. Uphing Maslai anparta nominated MAC atum Chandra Tamang, Mohesh Kr. Chouhan, Gulap Suren lapen ke-ongdung song asongja atum chetong dun.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives